Mi timas ĉion kaj ĉiun

eĉ timas propran ombron dum suna tago



kiu rifuzas speguli mian korpon sen mensogoj





Mi timas vortojn, frazaranĝojn kiuj estas manipuleblaj laŭ nova vero



Mi timas min, mi timas vin



mi timas ĉion kaj ĉiun





Mi timas mensogojn kiujn mi ne havas



sed kiuj estas nur blankaj vortoj



kiuj fontas el mia timo sama.





Mi timas korpon kaj vizaĝon en spegulo



kiu rakontas nur pri bildo malvera



Mi timas ĉion kaj ĉiun, eĉ propran koron



Permesu do



ke mi klopodu ne timi la kavon de mallumo



kie troviĝas (lasu min esperi)

nur mallumo kaj silento