Mistifikita
Kiam la familo transloĝiĝis en la novan domon en Hartfordo en la jaro 1874, oni aranĝis en unu el la deknaŭ ĉambroj belan laborĉambron por la verkisto: nobla, komforte meblita, kun malalte situantaj grandaj fenestroj kaj alloga elrigardo. Sed jen la tubero en la afero. „Tiuj fenestroj... daŭre mi ekstaris por ĝui la panoramon. Kaj vintre ĉe la mirindaj neĝofaloj mi tute ne plu povis fari ion krom elgapi“, plendis Twain.
Baldaŭ li transloĝiĝis en la bilardan ĉambron, en la trian etaĝon, sub la tegmenton, kaj skribis ĉe tablo, kiu ne permesis alian rigardon ol tiun al muro kaj kelkaj librobretaroj.
tradukis Dorothea kaj Hans-Georg Kaiser kun Frank Vohla
el la libro: "Faru ĝin kiel mi, mensogu!"
La anekdotojn pri Mark Twain
kolektis kaj surskribis Franziska Kleiner
https://cezartradukoj.blogspot.com/
Sign-in to write a comment.