Cezar
Krokodila poetĉasado
Ek do al poetĉasado,
por tre suka grasa plado.
De la kapo ĝis piedo
ili estu nia predo.
Ĉar poetoj nin nur mokas,
ni, la krokodiloj, vokas:
Ek nun, al poetĉasado,
eksilentu fanfarado!
Nur ĉar krokodil' balbutas,
ĝi ja ne senage brutas.
La bastardojn sen respekto
voru la ĉasadprojekto.
Kaj se do poetoj mankos,
ni al Dio nia dankos,
ke ni finis tiun plagon
kun sukceso iun tagon.
Sign-in to write a comment.