Gangnam estas luksa kaj ŝika distrikto de Seoulo, kie la riĉaj junuloj ŝatas festi semajnfine. La diketa protagonisto Psy, t.e. Park Jae-sang, en formala vesto kaj kun serioza mieno daŭre ripetas "mi estas Gangnam-stilo" kaj per frenezaj movoj dance rajdas sur nevidebla ĉevalo tra la ne tiom ŝikaj, sed tre kutimaj malantaŭaj anguloj de Gangnam.

La video ĝis hodiaŭ ne nur atingis pli ol 77 milionoj (!) klakoj, sed ankaŭ rekordan nombron de ĉiuspecaj parodioj kaj refaraĵoj (jen la "pjonjanga" eldono). Plej nova faceto de ĝia furoro nun estas spontaneaj danc-kunvenoj (flashmobs) en multaj urboj ĉirkaŭ la globo.

Jen ekzemple kio okazis Gangnam-stile sur Alexandra Placo en Berlino (1 SEP), jen kiel festis la junuloj sur la Placo de Katalunio en Barcelono (15 SEP), jen Sidnejo (Aŭstralio), jen Singapuro.

Se vi ĝis nun maltrafis, lernu gangnamumi rekte de la Majstro mem: "Hey, sexy lady ...!" Se vi preferas kanti al danci jen la karoka versio, la korea transskribita al latina alfabeto, do tre facile legeble - nu, preskaŭ ;-)) - Gangnam-stil' !