Ja tiuj jarkolektoj estas rete traserĉeblaj, sed bedaŭrinde ne eblas ĉe-ekrane foliumi aŭ elŝuti ilin. Se ni ekzemple serĉas en la 1-a jaro 1909 de la Oficiala Gazeto je "Zamenhof", ni ricevas la informon, ke ekzistus trafoj sur 13 paĝoj. Google books tamen nur montras pecetojn el tri paĝoj. La pecetoj estas tiel malgrandaj, ke ofte ne eblas kompreni la kuntekston. Rezulte, oni devus precize scii, kion serĉi kie. Sed mi ja eble volas simple legi la malnovajn diskutojn. - Tio ne eblas.

Ĉu oni petu al NYPL, ke ili rezignu pri la konsult-limigoj de la skanitaj jarkolektoj?