(EO) INTERCULTURAL CENTER OF LIVING LANGUAGES, NPO I. C. L. L.

I. C. L. L.

1.La Instruado de Esperanto

La kursoj disvolviĝis en ordo kun la Komencantoj kaj Progresantoj. Kaj la specifeco koncernas la varbadon de multaj interisiĝantoj pri Esperanto, Sudafrikanoj kaj alilandanoj en Kaburbo, el kiuj la plejparto estas virinoj. Flanke de ili ankaŭ varbiĝis aliaj du sudafrikaj knabinoj de la mezlerneja grado. En la instruado la klasika metodo estis uzita: la gelernantoj sidiĝas en la klasĉambro kaj la E-instruisto ekspozicias la lecionojn. Entute estis tri kategorioj de gelernantoj: la Francparolantoj, la Afrikansparolantoj kaj Anglaparolantoj. La francparolantoj uzis ĉefe la librojn donacitajn de SAT-AMIKARO al la Esperanto-Klubo. Temas pri la fama libro “Racia Kurso de Eperanto” (Cours Rationnel d’Espéranto). Koncerne la Anglaparolantojn tri libroj ricevitaj de la samideanoj multe helpis. La tria kategorio estis la Afrikansparolantoj: la Afrikansa E-lernolibro titolita “Esperanto: Die Internasionale taal”, eldonita de la Esperanto-Asocio de Suda Afriko, estis diponigita. Eblis fotokopii progrese la paĝojn de tiu unusola libro por servi ĉiujn gelernantojn.

Konfesindas ke dank’al la instruado la E-komunumo pli kaj pli radikiĝis en Kaburbo. Cxiuj klubanoj estis kontentigitaj per la senpaga partopreno en la E-kurso gvidita de s-ro Emile Malanda. Ankaŭ menciindas nur unu E-instruisto okazigas la E-kurson en la tuta Sud-Afriko.

2. La Instruado de Angla lingvo

La celgrupo de tiu ĉi instruado estas ĉefe la Rifuĝantoj kaj aliaj nesudafrikaj popoloj, kiuj ne parolas anglan. En Sud-Afrikon venas multaj popoloj el diversaj landoj kaj igas ĝin kosmopolita. La unua kondiĉo por la integriĝo estas la lingvo. En tio kuŝas la malfacilaĵoj de multaj fremduloj integriĝi en la lando pro la kosto de la Angla kurso. La ICLL organizas tiun kurson senpage por la Rifuĝantoj: infanoj, junuloj kaj plenkreskuloj. Kvindeko da personoj integriĝis dum ĉi tiu jaro dank’al la kono de la angla lingvo instruita en la Centro.

3. La Instruado de la Franca Lingvo

4. La Realigo de la E-Filmetoj

Okaze de la 125-jarigxo de Esperanto la GERMANA ESPERANTO-ASOCIO lanĉis konkurson por starigi mallongan filmeton en iu ajn lingvo. La ICLL en Kaburbo kaptis tiun ĉi okazon por honorigi la Lingvon Esperanto. La ICLL, pere de la Esperanta Sekcio, realigis dum la jaro 2012 du interesajn E-filmetojn titolitajn: “Turisto en Kabo” kaj “La Lingvo de la Homaro”. Ambaŭ estis senditaj akurate al Germanio, kaj el kie venis la konfirmilo pri la ricevo. Resume la unua filmo montris ke iu viro vojaĝis por la unua fojo al Sud-Afriko por turismi. Alveninte ĉe la flughaveno de Kaburbo (Cape Town Airport), li kontaktis franclingve du personojn por helpo. Sed neniu komprenis la lingvon uzitan de li, dum li nur konis Francan kaj Esperanton. Iom poste malfrue li ekvidis eldistance iun surmetinta la E-cxemizon. Li alkuris al li kaj estis helpita. La dua filmo montris ke La popoloj ne kapablis interŝanĝi inter si ĉar ĉiu uzis sian naci-lingvon por saluti unu la alian en la grupo. Dum la unua renkontiĝo ili ne interkompreniĝis. Okazis la ‘Babelismo’. Post la lernado de la Internacia Lingvo Esperanto ĉiuj parolis kaj salutis per unu lingvo: Esperanto.

5. La Turisma Agado dum 2012

La jaro 2012 estis markita de riĉaj agadoj pri la turima agado. En Aprilo grupo de kvar Polaj Amikoj, gvidita de la fama Esperantisto Andreo Grzebowski, vizitis Kaburbon sub la turisma gvidado de Kaburbaj Esperantistoj nome de la ICLL. Venis poste la Brita Esperantisto Ken Keable, kiu ankaŭ pasigis agrablan momenton, kun Kaburbaj Esperantistoj akompanitaj de la Ĝenerala Sekretario de la Esperanto-Asocio de Sud-Afriko, Prof. D-ro Harro Von Blottnitz, dum la ekspozicio de sia verkita angla libro. Ankaŭ aperis en Kaburbo la Japanaj Esperantistoj, geedzoj de Jokohama E-Societo, kiu vespermanĝis kun Kaburbaj Esperantistoj. Kaj fine, Kaburbaj Esperantistoj akceptis la Esperantistinon Iodanska Wilkins Dana, el Britio.

6. La Laborplano pri la Lingvoj: 2012-2013

La ICLL laboras pri la okazigo de la efikaj projektoj por “la daŭropova disvolviĝo” de la homaro. Jen estas la projektoj:

- Instruado de Esperanto al la Junuloj en la Universitatoj

- Instruado de Franclingvo al la Sud-Afrikanoj kaj aliaj

- Instruado de Anglalingvo al la Rifuĝantoj kaj aliaj

- Trejnado de Instruistoj pri Esperanto

- Trejnado de Instruistoj pri Franclingvo

- Trejnado de Instruistoj pri Anglalingvo

- Starigo de la Interlingva Biblioteko (esperante, france, angle) en la Centro

- Starigo de la lingvolernado perrete en la Centro

- Starigo de tri lingvaj kluboj en la Centro

INFORMOJ