Printempo estas juna vir'

fotis Cezar

Cezar

Printempo estas juna vir'



Printempo dormis sur herbej',
konfide! Konfide!
La najtingaloj vekis lin,
jubilas hele kaj sen fin'.
En rojoj sonas laŭ muzik'
por nia kara koramik',
rapide! Rapide!

Printempo iras tra la val'!
Konfide! Konfide!
Li vestis sin per bunta vest'
por danci en printempa fest'.
Li volas kun tulipoj danci
kaj en la balo plu bonŝanci,
rapide! Rapide!

Printempo frapas al la pord',
konfide! Konfide!
La vintro ŝtelas sin nun for.
Jam venis lia lasta hor'.
Postrestis de li nur la rust'.
Printempo premas nin al brust',
rapide! Rapide!

Printempo kuras tra la dom',
konfide! Konfide!
Lin sekvas tuj la sunobril'
kaj ventokirl' kun laŭta tril'.
Li kuras haste tra l' ĝarden',
gajecon semas jen sen pen',
rapide, rapide.

Printempo iĝas mem infan',
konfide! Konfide!
Infane kuras kiel vent'.
Ha, kiel bela hela sent'.
Printemp' tulipon fine trovas.
Mateno mem la fluton blovas,
rapide, rapide!

Printempo dancas tra la strat',
konfide! Konfide!
Salutas dolĉe lin odor'
kaj laŭte batas ĉiu kor'.
Printempo estas juna vir'
kaj ĉiam venu laŭ dezir',
rapide, rapide!


http://www.cezarpoemoj.cezarpoezio.de/64.html