Hans-Georg Kaiser
Elirvojo

Mi , kiu perdis la vojon,
ne plu scias,
kiun vojon mi iru.
Mi iras, sed mi jam ne scias,
kial mi iras plu sur tiu vojo.
Mi iras, sed mi ne plu scias,
kien mi iru.

Mi iras,
sed mi perdis jam ĉiun esperon,
ke la vojo kondukos min al celo.
Mi iras plu, sed mi jam ne scias,
kial mi iras ankoraŭ nun sur tiu
tro ofte uzita vojo.

Mi iras, sed mi ja jam scias,
ke ankaŭ tiu vojo,

kiu iam estis mia celo,
ne kondukos min al celo.

Mi iras plu,
tute mekanike,
pro certa malkuraĝo,
sed mi nun cerbumas obstine pri tio,
kiun vojon mi efektive iru.

Mi iras plu,
sed mi trovos kiel ĉiam –
nur novan fuĝvojon.

http://cezaroriginaloj.blogspot.de/