Nasredino
Ankaŭ vi pravas
Unufoje en sia vivo Hoĝao estis juĝisto. Je tiu tempo venis viro al Hoĝao kaj plendis antaŭ li pri iu. Atente aŭdinte lin, diris Hoĝao al li: „Jes, vi pravas!“
Poste la persono, pri kiu plendis la unua viro, enpaŝis kaj provis pravigi sin. Hoĝao diris al li la saman: „Jes, vi pravas!“
Lia edzino miris pri liaj respondoj kaj diris al li: „Hoĝao, mi ne povas kompreni vin. La viro, kiu plendis, pravas, sed ankaŭ la alia viro pravas. Kiel tio eblas?“
Sed Hoĝao ne ŝanĝis sian opinion kaj diris: „Jes, plejkoramata, ankaŭ vi pravas!“
tradukis Dorothea kaj Hans-Georg Kaiser
kun Frank Vohla el germana traduko de la libro:
„Ducent du ŝercoj de Nasredino Hoĝao“,
eldonejo Turistika Publikiga Servo Oriento,
Istanbulo, Turkio
https://cezartradukoj.blogspot.com/
Sign-in to write a comment.