Arestita punkbando „Pussy Riot“ ricevis pacpremion de Lennon-Ono
Nov-Jorko (dpa) Kvin semajnojn post ties kondamno la kremlo-kritika rusa ino-bando „Pussy Riot“ ricevis la Lennon-Ono-pacpremion. La artistino Yoko Ono, vidvino de la iama eks-Beatle John Lennon, kiu estis mortpafigita en la jaro 1980 de viro, kiu avidis konatecon per tiu ago, transdonis vendrede en Nov-Jorko al unu el la edzoj de la tri kondamnitaj kaj arestitaj inoj la prezon, kiu estas dotita per 50-mil-dolaroj. „Pussy Riot estas nun simbolo por parollibero, kaj ili prezentas ĉiujn inojn de la mondo, kiuj serĉas liberon“, diris Ono. „Ni havas tiom da respekto al vi.“
La premion transprenis Pjotr Versilov, edzo de la kondamnita Nadjeŝda Tolokonnikova kaj li dankis "por la apenaŭ imagebla honoro“. "La mondovasta solidareco fortigas nin“, li diris. Tial Pussy Riot kaj ties subtenantoj batalos plu por demokratio en Ruslando. Versilov, spite al alie sonantaj signaloj de rusaj politikstoj, ne kalkulas pri rapida amnestio de la rusaj muzikistinoj. Ĉe la prezo ĉeestis ankaŭ la kvarjara filino Gera Tolokonnikova. Ŝi akceptis la premion, vitran puzleron kaj fine vokis laŭtan „Dankegon!“ en la mikrofonon.
La Pussy Riot-membrojn oni verdiktis post la predikforma protestmanifestacio en grava rusa ortodoksa preĝejo kontraŭ la rusa prezidanto Vladmir Putin al du jaroj da punokoncentrejo. "La verdikto internacie estas kritikata vehemente, ĉar ĝi endubigas la sintenon de la rusa registaro pri la opinio - kaj liberoparoloj", sciigis la fondado de Ono. La pacpremio ekde la jaro 2002 estas disdonata ĉiujn du jarojn honore je la penoj de John Lennon pri pli da paco kaj por homrajtoj. Pussy Riot estas la unuaj premioricevantoj el Ruslando.
Ankaŭ tiu premio montras, ke la kondamno de Pussy Riot estis nur Pirho-venko, do tro multekosta venko, por la registaro sub Putin, se ne eĉ malpli ol tio. Unu el la kondamnitaj punkinoj prezentis sin en la proceso kun t-ĉemizo kun fama surskribo "¡No pasarán!" . (Ili ne travenos!) Jen konata diro de la internaciaj brigadoj, kiuj batalis en Madrido kontraŭ la faŝistoj. Ili pravis, Madrido, la mirinda urbo, tiam en la batalo ne falis, kaj ankaŭ Putin ne travenos, tio estas jam certa por mi. (cez).
Parte laŭ informoj de gazeto OVZ
PS:
Dolores Ibárruri Gómez , nomata La Pasionaria (La pasia) estis hispana komunista revoluciino kaj grava persono en la hispana Civitana Milito kaj krome fama politikistino en la laborista movado. Oni atribuas al ŝi la diron "¡No pasarán!" („Ili ne travenos!“), kiu estas ankaŭ la titolo de ŝia biografio. Interese estas, ke ankaŭ ŝi fine de sia vivo jam turnis sin kiel eŭrokomunisto kontraŭ la dogman komunismon en Ruslando, kies reprezentanto estis Putin en Sovetunio.
Parte laŭ informoj de gazeto OVZ
PS:
Dolores Ibárruri Gómez , nomata La Pasionaria (La pasia) estis hispana komunista revoluciino kaj grava persono en la hispana Civitana Milito kaj krome fama politikistino en la laborista movado. Oni atribuas al ŝi la diron "¡No pasarán!" („Ili ne travenos!“), kiu estas ankaŭ la titolo de ŝia biografio. Interese estas, ke ankaŭ ŝi fine de sia vivo jam turnis sin kiel eŭrokomunisto kontraŭ la dogman komunismon en Ruslando, kies reprezentanto estis Putin en Sovetunio.
Sign-in to write a comment.