Despera batalo kontraŭ
la nuklea katastrofo en Japanio
En du reaktoroj de la atomenergiproduktejo Fukushima-1 brulas, kaj la situacio estas apenaŭ plu kontrolebla: La priŝarĝiteco pere de radioaktivaj substancoj grimpas al alta rekordovaloro, tiel, ke la restintaj 50 laboristoj devis forlasi la atomenergian produktejon. Nun oni ŝajne tamen volas provi estingi la fajrojn de la reaktoro el la aero. Intertempe la germana aerflota entrepreno Lufthansa nuligas ĉiujn flugojn al internacia flughaveno Tokio-Narita.
Post la tertremo kaj la cunamo en Japanio regas plu timo pro tre verŝajna nuklea katastrofo. Momente evidente brulas du reaktoroj kaj laboristoj pro la radioaktiveco ne plu rajtas iri en la reaktorterenojn.
15.03. 2011
08:45 h Usono plifortigas la helpon por la tertremviktimoj en Japanio. Tiel ili sendis ekipaĵon por la estingado de la fajro en atomenergiproduktejo- Fukushima-1. Pentagon-parolanto David Lapan diris, ke la usona armeo disponigis al japanaj helpofortoj du estingajn veturilojn. Sed laŭ la ĵurnalo
"Wall Street Journal" li neis sciigojn, ke anoj de la usona armeo rekte estas partoprenantaj en la laboroj.
08:43 h Kyodo raportas, ke oni konstatis, ke en la trinkakvo de la prefektujo Fukushima troviĝas cezio 137 kaj jodo 131. Sed laŭaserte ne ekzistas danĝero por la sano.
08:38 h Konfuzaj informoj el Fukushima-1: Tepco raportas, ke la interna reaktorujo en bloko 2 aŭ estas damaĝita aŭ fridigata.
08:25 h Kyodo raportas laŭ ministroprezidanto Naoto Kan, ke ĝis nun 2600 homoj estas savitaj el la tertremtereno.
08:17 h La trankviligpolitiko estas daŭrigata: La premo kaj en la reaktoro kaj en la reaktorkerno de bloko 2 supozeble falis, citas Reuter la energian entreprenon Tepco, kiu respondecas la krizoblokojn de la atomcentralo Fukushima-1. Sed eblas laŭ ĝi ankaŭ, ke la premmezurilo estas difektita. La temperaturo en la reaktoro laŭ ĝi estas stabila, sed pli malbona estas la situacio en bloko 4. Ankaŭ la temperaturo en la reaktoroj 5 kaj 6 altiĝis laŭ ili.
Aktualaj raportoj de la japano Hori Yasuo
en la blogo de Dorota
Sign-in to write a comment.