Cezar: Humuremaj poemetoj pri la verbo "salti"

Cezar
Humuremaj etaj poemoj pri la verbo "salti"


Se tro estas tro

Tre nukrompiga
estas salto,
se iom troas
certa alto.


Relativeco de pulosalto

Laŭ mezuro
salt' de pulo
estas nulo;
laŭ saltint-
komparo:
rekorda faro.


Pri homa nulo

Eĉ ne je jot'
aŭ salt' de pulo
progresos iam
homa nulo.


Averto

Haltu,
haltu,
saltu ne
el tro da alto.


Post la salt'

Post la salt'
sekvas halt' -
ĉu enpense,
ĉu sur asfalt'.


Gazet' sur akvo

Sur la akvo
post la salt'
la gazet'
estas asfalt'.