L.L. Zamenhof

Proverbaro Esperanta

El litero J


Jen havu!
Jen kiaj ni estas!
Ju cerbo pli prudenta des lango pli silenta.
Jugo propravola ne estas malmola.
Juĝanto decidas, kiel li vidas.
Juku la haŭto, sed ne sur mia korpo.
Juneco ne scias, maljuneco ne povas.
Ju pli da aĉetantoj des pli alta la prezo.
Ju pli da bruo des malpli da ĝuo.
Ju pli da donoj des pli da amikoj.
Ju pli da havo des pli da pravo.
Ju pli da ĵuroj des pli da suspektoj.
Ju pli oni babilas, des pli oni al si malutilas.
Ju pli oni posedas, des pli oni avidas.
Ju pli precizaj la kalkuloj, des pli fortika la amikeco.

elektis Hans-Georg Kaiser

https://cezarkulturo.blogspot.com/