Hans-Georg Kaiser
Masko, morto, rido

Kiu la vivon fidas,
nu, tiu multe ridas.
Li ridas eĉ postmorte,
el masko, senvorte.

Se hom' laŭmaske krudas,
sin ties masko trudas;
ĉar tia homo mortas
kaj nur la masko fortas.

Se viv' nur masko estas,
la mask' postmorte restas.
Se viv' eĉ maske ridas,
eĉ Morto ĝin ne bridas.


PS: Jen la foto, por kiu mi verkis la poemon. La supra foto estas el la sama serio. (HGK)

https://cezaroriginaloj.blogspot.com/