Temoj de julio 1925 (p.107-108) estas Aeronaŭtiko, Afranki poŝtaĵojn, Hotelo, gastejo, Arboj kaj arbetaĵoj, kaj fine Terkulturado kaj Nutraĵoj. Jen la ĉapitro pri

Aeronautica - Aeronaŭtiko

  • aerodromo aerodromo
  • aeronàuta aerostatisto, aeronaŭto
  • aeronàutica aerveturo, aeronaŭtiko
  • aeronave aerŝipo
  • aerostàtica aerostatiko
  • aeròstato aerostato, balono
  • àncora ankro
  • ...

Balono? Ankro? En 1925? Kion pli? - leviĝo, alterigi, direktebla aerostato, aerŝipo, ŝanceliĝi, plenigi, ŝveliĝi, hidrogeno, plani, gondolo, katenita aerostato (pallone frenato), falŝirmilo (! paracadute), fali teren, preni direkton, retaĵo (rete), malfiksi la ŝnuregojn, malplenigi, iĝi malstreĉita, aerklapo, aeroplano (! nu fine tamen, velìvolo), kapturno, kapturniĝo, kaj laste

  • zavorra balasto

Ankro, gondolo kaj balasto jes, avio / aviadilo, biplano, flughaveno, eĉ zepelino ne. La trideko da tiaj kaŝitaj terminoj tamen bone peras imagon, kiel oni aer-vojaĝis ital-lande en 1925: malfiksi la ŝnuregojn kaj ek!

La Laŭtema Vortaro, aperinta nur gazete, cetere apartenis al la prepar-laboroj de Achille Tellini por lia "Plena Vortaro Esperanto-Itala" kun ĉ. 13.000 kapvortoj. Ĝi aperis en 1931 ĉe la sama eldonejo Paolet, kiu ankaŭ eldonis Italan Esperantan Revuon, kaj ampleksis pli ol 500 paĝoj. Corrado Grazzini post la morto de Tellini en 1938 kaj post la dua mondmilito ĝisdatigis kaj plivastigis ĝin per suplemento al ĉ. 18.000 kapvortoj (aldonaj 66 paĝoj). La nova eldono kun suplemento aperis en 1959 kaj estis represita en 1973. En 1984 fine aperis nov-generacia vortaro Esperanto-itala, nome la traduko de PIV 1970 farita de Broccatelli. Per tio laste finiĝis la epoko de aerostatiko kaj aeronaŭtoj en la vortaroj Esperanto-italaj. Daŭre bonan flugon, karaj italaj samideanoj.

-----

Vocabolario Completo Esperanto-Italiano
S. Vito al Tagliamento: A. Paolet, 1931, VIII, 509, [1] p. 8x6 cm, ĉ. 13.000 kapvortoj.

Vocabolario Esperanto-Italiano con Suplemento
S. Vito al Tagliamento: A. Paolet, [1959], VIII, 509, 66 p. 12x9 cm, ĉ. 18.000 kapvortoj.
2-a eld.: Bologna: 1973, VIII, 509, 66 p. 17x11 cm.