"Antaŭparolo" al la Fundamento

Dankon, Andreas, ke vi "aŭdacis" respondi.

Al tiuj ŝajne tiel simplaj demandoj eblas doni multajn diversajn respondojn, kiuj ĉiuj estas ĝustaj aŭ almenaŭ defendeblaj kun bonaj argumentoj. Mia ideo pri 2. estis io kiel:

- "Bazaj principoj" (de Esperanto) / "Ĝeneralaj principoj" / "Gvidaj principoj"
- "Principoj de interpretado kaj aktualigado" (de FdE)
- "Principoj de interpretado kaj plivastigado" (de FdE)
- "Principoj por gardi la unuecon" (de Esperanto)
- ...

Sed via solvo ankaŭ plaĉas al mi.

"Lernocelo" estas jeno:

La "Antaŭparolo" al iu libro kutime enhavas mallongan resumon de ĝia enhavo, ofte kelkajn vortojn pri la motivoj, pro kiuj la aŭtoro verkis ĝin, pri ĝia celo, dankojn al helpantoj k.s. - eble interesaj informoj, ofte ankaŭ relative neinteresa bla-bla'.

**Tiel definitive *ne* estas pri la Antaŭparolo de FdE**.

La titolo "Antaŭparolo" estas rekte *misgvida*.

Ne temas pri iu tradicia akcesoraĵo aŭ "ornamaĵo" de la "vera" libro, akcesoraĵo kiun oni povas legi aŭ ne laŭplaĉe - sed pri **kerno kaj koro** de la Fundamento, eĉ de Esperanto entute. Kiu ne komprenas la Antaŭparolon, ne vere funde komprenas Esperanton, kiel Z konceptis ĝin.

Laŭ la opinio de Z mem, la Antaŭparolo estas multe pli grava ol ĉiuj lingvaj detaloj pri - ekz. - ellaso de apostrofo ĉe propraj nomoj aŭ simile.

La celo de la "leciono" estas atingita, se la studento mense legas "Bazaj principoj de Esperanto", kiam li legas la titolon "Antaŭparolo".