"Krome mi post iom da tempo denove ekŝatis legi gazetojn, kvankam mi de tiu legado ĉiam estis forpuŝita, kio tamen ne povis malhelpi, ke mi fine ĉiun tagon denove legis en ili, jam tiam mi plene submetiĝis al tiu ĉiutage ripetiĝanta, nun, kiel mi scias, vivo-longa mekanismo, gazetojn havigi al mi kaj legi ilin kaj ĉiam esti forpuŝita de ili naŭzite. Kiel mia avo, kiu vivo-longe abomenis ilin same kiel mi, ankaŭ mi estis sklavo de tiu gazeto-malsano, kiu ne estas kuracebla. ..."