Christaller (1860-1950) estis filo de protestanta misiisto. Dum la patro laboris en okcidenta Afriko, Paul kaj siaj fratoj kreskis en Bazela orfejo. La patro Johann Gottlieb Christaller estas rigardata kiel la "fondinto de la scienca lingvistiko de la lingvoj de Okcidenta Afriko", la unua, kiu priskribis ekzemple la Akan-lingvon tute moderne kaj ne laŭ la klasikaj kategorioj bazitaj sur la latina. Johann Gottlieb tamen estis ne nur tre diligenta kaj saĝa, sed ankaŭ severa viro, kies senkompromisemo kaj kvazaŭ-Dieco forpuŝis unu filon post la alia. Dum la pli aĝaj fratoj jam pli frue ekstaris kontraŭ la patro, Paul unue sekvis lian karieron de misiisto kaj leksikografo de okcident-afrikaj lingvoj, helpis al la patro pri ties laboro.

Lia Esperanto-vortaro de 1910 estis lia persona liberiĝo de la neniam kontentigebla aŭ eĉ nur atingebla patro. Multrilate revolucia verko ĝi anticipas priskribon de Esperanto nelatinan, sed laŭ pure el-internaj kategorioj, simile kiel antaŭe farita pri la afrikaj lingvoj. Jam en 1910 ĝi montris la vojon al la post-Varengjenan epoko, kiu tamen nur komenciĝis ĉ. 1990. Same kiel la fratoj ankaŭ Paul Christaller poste forturniĝis de la patro kaj fariĝis profesoro pri arto en Stutgarto.

La rezulton de familia dramo el malaperinta mondo vi povas ĝis hodiaŭ admiri: mantilo, pelerino, plejdo, ĵaboto, krinolino, makintoŝo.