En la antaŭa epizodo de nia mini-serio pri vakcinado, ni montris, ke la epidemiologiaj datumoj haveblaj tutmonde sufiĉas por pruvi, ke vakcinado ne protektas kontraŭ infektado kaj transdono de Sars-Cov-2, kio kontraŭas la deklarojn de la franca registaro rilate al "vakcina protekto". Dua aserto estas la malapero de gravaj formoj de Kovim danke al vakcinado, kio ankaŭ estas dubinda. Merkatado de farmaciaj industrioj estas unu afero, publikaj sano-realaĵoj alia. Tria afero (traktita ĉi tie) estas tiu pri la sekureco de novaj kontraŭkovimaj vakcinoj.

Ĉiuj okcidentaj landoj registras nedezirindajn medikamentajn efikojn raportitajn de kuracistoj kaj / aŭ pacientoj. Ĉi tiuj deklaroj estas konsidereblaj kiel minimumoj subtaksantaj realecon. Efektive farmacia viglecatento funkcias pasive : ni atendas, ke sanaj profesiuloj kaj individuoj raportu la problemojn. Se pro unu aŭ alia kialo (forgeso, necerteco, memcenzuro, tempomanko aŭ neglekto de ĝeneralaj kuracistoj aŭ hospitaloj, izolado de la paciento mortanta sola hejme, nescio pri la medicina dosiero de la forpasinto fare de la kuracisto establanta la atestilon pri morto, diversaj komputilaj problemoj, ktp.) kuracistoj aŭ pacientoj ne plenskribas la deklaron pri incidento, ĉi lasta neniam estos konata.

Ĉi tiuj deklaroj pri nedezirindaj reagoj devas esti uzataj singarde. Ili indikas nur supozon de kaŭzeco (atribuebleco). Efektive, koncerne mortojn ligitajn al Kovim, homoj, kiuj havas pli-malpli gravajn negativajn reagojn al vakcinado, ofte estas homoj malfortigitaj de aliaj faktoroj (malfortiĝintaj imunaj defendoj, maljuneco, malnovaj malsanoj, alergioj, ktp). Tial gravas ne nur identigi gravajn kromefikojn asociitajn kun kontraŭkovima vakcinado, sed ankaŭ kompari ilin kun tiuj asociitaj kun aliaj vakcinoj. Kaj la rezulto de ĉi tiu komparo kondukas al la konkludo, ke io nova okazas kun ĉi tiuj kontraŭ-kovimaj vakcinoj.

En Francio, la 8-an de julio, 2021, post ĉirkaŭ 6 monatoj de la vakcina kampanjo, la franca farmacia viglecatento de la vakcino Astra Zeneca raportis entute preskaŭ 43 000 nedezirindajn eventojn, el kiuj 22,5% estis klasifikitaj kiel "gravaj". Ĉi tiuj estas tujaj reagoj al vakcinado, afekcioj de la nerva sistemo (ĉefe paralizo), angiaj problemoj (trombozo, ĉefe apopleksio), gravaj spiraj kaj koraj problemoj, fine tre gravaj haŭtaj problemoj, hematologiaj malordoj kaj gravaj vidaj kaj / aŭ aŭdaj perturboj. La sama analizo povas esti farita ĉe la 4 vakcinoj, kiuj havas parte malsamajn gravajn kromefikojn (precipe neŭrologiajn kaj nervajn por Moderna kaj Janssen, pli koraj por Pfizer).

Fine, se ni aldonas la plej gravajn konsekvencojn, menciitajn supre por ĉiu el la 4 vakcinoj, ni alvenas al konstato de pli ol 15 000 gravaj nedezirindaj eventoj, inkluzive de preskaŭ 1 800 enhospitaligoj, pli ol 2 800 vivminacaj prognozoj kaj preskaŭ 1 000 mortoj. Ĉio en nur 6 monatoj.

En Usono, kie farmacia viglecatento estas pli bone organizita kaj pli striktiga ol en multaj eŭropaj landoj, datumoj povas esti uzataj en la retejo de la Vaccine Adverse Event Reporting System (VAERS). Per serĉo pri forpasoj en rilatoj kun vakcino, eblas ne nur havi registron pri ĉiu kontraŭkovima vakcino, sed ankaŭ kompari ĉi tiujn rezultojn kun tiuj de ĉiuj aliaj vakcinoj faritaj ekde 1990. Ekde la 16-a de julio, 2021, dato je kiu 160 000 milionoj da usonanoj estis plene imunigitaj, kontraŭkovimaj vakcinoj rilatas al 6 016 mortoj. Cetere ĉi tiuj dosieroj do ebligas kompari ĉi tiun mortadon pro kontraŭkovimaj vakcinoj kun la ĝenerala mortado pro vakcinado en ĉi tiu lando dum 30 jaroj (centoj da vakcinoj). Ĉi tiu dosiero listigas entute 10 672 mortojn por ĉiuj vakcinoj dum la tuta periodo. En nur 6-monatoj, kontraŭkovima vakcinado sola do reprezentis 56% el ĉiuj provakcinaj mortadoj dum 30 jaroj. Kompare, en la sama datumbazo, ni kalkulis la nombron de mortoj kaŭzitaj de la injektado de apartaj vakcinoj kontraŭ sezona gripo (influenza seasonal). En 30 jaroj (1990-2020), ĉi tiuj vakcinoj kaŭzis 1 106 mortojn, kio reprezentas 6,66% de la tuta provakcina mortado dum 30 jaroj. Alia maniero esprimi ĉi tiujn rezultojn do estas diri, ke en Usono, en 6 monatoj, la kontraŭkovima vakcinado helpis kontribuis 8-oble pli al mortigo de homoj ol la gripa vakcinado en 30 jaroj.

La afero pri gravaj kromefikoj de kontraŭkovimaj vakcinoj estas temo de neado kaj silento fare de la registaro kaj ĉefaj sanagentejoj. Estas kvazaŭ ĝi estus vera tabuo. La amplekso de ĉi tiuj efikoj efektive okzigas tro evidentan kaj ruinigan kontraŭdiron al la kompleta vakcina ideologio, kiu gvidas registarojn, kiuj elektis obei al la farmacia industrio. Ĉi-lasta efektive estas en la koro de la tuta administrado de epidemio, kiu konsistigas por ĝi senprecedencan antaŭenpuŝon en la historio: kiu patentita komerca produkto havas la tutan homaron kiel ebla merkato, krome renovigebla ĉiujare? Konsiderante la manieron (en la krizo, produkti maksimumajn profitojn), en kiu ĉi tiuj industrioj laboris, precipe en Usono kaj Anglio, por disvolvi ĉi tiujn novajn vakcinojn, ni povus dekomence timi, ke ĉi tiuj produktoj ne estas tre bonkvalitaj. Sed la realo superas ĉi tiujn timojn kaj montras, ke ĉi tiuj vakcinoj havas pli da postefikoj kun diversa graveco ol iu ajn antaŭ ili.

Eĉ reduktita al siaj plej elementaj etikaj principoj (primum non nocere), la ektraktado de ĉi tiu afero rilata al publika sano devas konduki al urĝa ĉesigo de la vakcina kampanjo, al multe pli detala studo de la datumoj de ĉi tiu farmacia vigilecatento (precipe laŭ la aĝoklasoj kaj laŭ la apartaj riskfaktoroj) kaj, post zorgema analizo pri profito/risko, determini al kiuj specifaj kategorioj de la loĝantaro eblas proponi vakcinadon sen risko, ke gravaj kromefikoj superu la gravajn formojn de Kovim de kiu ĝi principe devus protekti ilin.


===

Komplementaj informoj :


“Les vaccinés sont des innocents qui vont au massacre"
(La vakcinitoj estas senkulpuloj, kiuj iras al masakro)

D-ro Roger Hodkinson : Eminenta iama profesoro ĉe la Universitato de Alberto, unu el la plej grandaj de Kanado
Videoj :

1. en la angla kun franclingva interpretado
www.francesoir.fr/videos-les-debriefings/roger-hodkinson
2. originala nur en la angla ("The general public are the innocents to the slaughter“) :
“Vaccination, les vérités indésirables“
www.francesoir/videos-videos-english/general-public-are-innocents-slaughter

“Vaccination, les vérités indésirables“ (Vakcinado, la nedezirataj veroj)

Michel Georget
www.youtube.com/watch?v=THaeCH-HX4w
www.psiram.com/fr/index.php/Michel_Georget
aŭtoro de “Vaccinations, les vérités indésirables - S'informer, choisir, assumer“