Nia distrikto Ruĉuru jam estas akaparita per la movado 23 (M23) de la 25 de Julio 2012. Dum tiu milito multaj perdis siajn domo-aĵojn, bienojn ktp. Pluraj enloĝantoj forkuris ĝis en nia najbara lando Ugando en rifuĝejo el Nakvall. Aliaj estas en viktimejo el KANYARUĈINYA, MUGUNGA. Do komprenu, ke konganoj el distrikto Ruĉuru ofte suferas en tiuj viktimejoj, kiujn mi ĵus menciis ĉi alte. Eĉ aliaj, kiuj estas en rifuĝejo el Ugando, mi esperas ke ĉiuj afrikanoj, eŭropanoj, amerikanoj, azianoj scias pri kio okazas en nia lando DRK.

Per TV, amaskomunikiloj vi ĉiam rikoltas informojn pri la suferego de konganoj. Mi mem ofte min demandas kial ĉiu jare orientanoj el Kivu devas suferi pri diversaj militoj ? De 1996, 2005, 2008, 2012 ĉiam la varmega milito en Ruĉuru kaj Masisi distrikto, vere estas troiga. Ĉu orientanoj estos en etosa tago, aŭ libera tago kiel aliaj ? Karaj tutmondaj amikoj de diversaj landoj, mi petas grandan helpon PREĜI por nia orienta parto el nia lando. Kiam okazas milito niaj aĵoj, bienoj estas ĉiam rabitaj de malamikoj. Estis terure ĉar pluraj loĝejoj estis damaĝitaj per armiloj lanĉitaj.

La banditoj prirabis ĉiujn vojaĝantojn, profitante pafi iujn kuglojn.La 30an de aprilo 2012 iu el niaj VSKlubanoj nomumita Prince kaj aliaj pasaĝeroj venis el granda urbo Goma survoje renkontis banditojn kun armiloj, ili ekpafis iujn vojaĝantojn kiuj estis en aŭtoveturilo Fuso, malŝance la perdita kuglo mortigis tiun membron ageman Prince, tiu ĉi jam lasis infanon kaj edzinon. Nun ili iĝis vidvino kaj orfo. Estas granda perdo por nia Esperanto-klubo Verda Stelano Klubo.

Nun, la milito ne daŭras, ŝajnas ke estos la traktado inter konga registaro kaj M23. Malgraŭ la malfacilaĵo, kiu ĵus pasis, mi ne ĉesis helpadi lernantojn pri Esperanto- instruado en nia loko ĉar nia doktoro Zamenhof ankaŭ travivis tiujn samajn turmentojn. Tiel kiel mi klopodis progresigi Esperanton en nia nova instituto nomita Béthanie/Remera loko. Ĉi tiu instituto enhavas unue 3 klasojn do du pri elementa nivelo kaj unu pri mezgrada nivelo. Venontjare ni aldonos aliajn tri klasojn. Lernantoj de tiuj tri klasoj ne estas multnombraj, ĉar multaj timis pro la pago de lernejarkosto. Multaj ne havas eblecon pro la milito, kiu ruinigis ĉion. Inter la lernantoj estas georfoj, vundeblaj infanoj, kiuj havas volon ĉeesti kursojn kaj ŝatas multe Esperanto- kurson, tiuj ĉi nenion havas sur ili pri la pago de lernejarkoston monate . Eĉ havigi kajerojn, skribilojn, ne eblas ĉar iliaj domo-aĵoj estis prirabitaj de ribelantoj.Vi mem scias kiel la milito estas abomena,dum la milito ne aktivecoj, laboroj… Pro tio, la profesoroj ne estas bone pagitaj, ili ricevas sumeton pri salajro. Ili estas malkuraĝigitaj, mi mem konsciigis ilin ne malkuraĝigu helpadi vundeblajn infanojn kaj georfojn ĉar oni ĉiam diris, ke tiu kiu helpas malriĉulon elpruntas Dion. Mi pensas ke iom post iom ĉio iros glate, ili bone komprenis min pri tiu konsilo. Ni petas al tiuj kiuj havas kompatemajn korojn helpi tiujn orfojn kun skribiloj, kajeroj, helpante ankaŭ nian lernejon morale, finance materiale( kretoj, lernomaterialoj, skribiloj…) Se tiuj pakaĵoj povas esti tre pezaj vi multe elspezos tra ordinara poŝtadreso. Laŭ mia pensado, se vi povas trovi iun sumon ree sendu ĉe la internacia banko Western Union el GOMA/DRKongo.

Oni povas aĉeti materialojn ĉi tie de tiuj georfoj kaj vundeblaj infanoj.Tiu banko estas honesta neniu povos ŝteli ĝin.

N.B. : Poŝtu ilin tra nia poŝtadreso ilin ĉe suba menciita adreso. Niaj poŝtaj servoj ne funkcias en Norda Kivuo, kie troviĝas Ruĉuru; sekve oni sendu tra la leterkesto de la plej proksima poŝta servo, kiu troviĝas en Bunagana-Kisoro ĉe la landlimo kun Ugando. Ne miksiĝu pri la poŝtadreso troviĝanta en nia najbara lando Ugando, ne kredu ke ni estas ugandanoj krom kongolandanoj el distrikto Ruĉuru. Distrikto kiu troviĝas en orienta provinco Kivu. Esperanto-kurso bone evoluas, mi mem helpas ilin instruante senpage. Krom ke aliaj profesoroj perlaboras modestan sumon, cetere mi dirus ke ĝi ne estas eĉ la salajro ĉar la gepatroj de iuj infanoj pagas malfacile 5 $ monate.

Mi finas tra ĉi tie, karaj geamikoj el diversaj landoj, estis simple informado pri E-instruado en nia nova lernejo kaj peto al niaj vundeblaj infanoj.

Fartu bonege !

Via E- instruisto Honoré SEBUHORO (honsebn @ yahoo.fr; honsebn @ gmail.com)
INSTITUT BETHANIE,
RUTSHURU
PO BOX 08
BUNAGANA-KISORO UGANDA.
Retadreso : bethanieecole @ rocketmail.com



Rimarkoj HM : Bv forigi la blankajn spacojn ambaŭflanke de @