Memorando

Sinjorinoj, Fraŭlinoj, Sinjoroj, kara publiko, jen memorando, kiu estos legata hodiaŭ en plejparto el la eŭropaj teatroj, en la lingvo de la lando, antaŭ ĉiu spektaklo.
Estas hodiaŭ la 1a de februaro 2012. Hodiaŭ mem, en Budapeŝto, unu el la plej gravaj teatroj de la urbo iĝas estrata de du personoj kiuj de pluraj jaroj publike aliĝis al ekstremdekstraj opinioj. Ili persone publikigis antisemitajn, anticiganajn pamfletojn, rasistajn skribaĵojn. Ekde de hodiaŭ, ili estos direktoroj de teatro subvenciita per publika mono en eŭropa ĉefurbo. Tio rompas tabuon. Sed prefere ol uzi tiun rompiĝon kiel novan okazon por kondamni Budapeŝton, kial ne engaĝiĝi, en niaj respektivaj landoj, en niaj vivoj, por la toleremo, por la diverseco kaj por la solidareco kun la membroj la plejmalfortuloj de nia socio ? Ni estas konsternataj pro la fakto ke politikaj fortoj, en multaj eŭropaj landoj, disvastigas malamon, malestimon kaj ĵaluzecon inter la popoloj. Nia intenco, en nia teatra laboro, estas transpasi la faktorojn de divido en niaj socioj, por veki scivolemon kaj akrigi la sentojn de la publiko direkte al societaj evidentaĵoj – nome de la komuna bono de ĉiuj personoj, nome de la paco kaj de la libereco en Eŭropo. Finfine, ni, homoj, estas ĉiuj liberaj kaj egalaj en digno kaj rajtoj, ni estas civitanoj de unu sola kaj sama mondo. Estas hodiaŭ la 1a de februaro 2012. Ni kuniĝu por celebri hodiaŭ la unuan tagon de la Eŭropa Teatro por la Toleremo.

Markus Kupferblum