Kelkaj videoj interrete troveblaj : Andrej Korobejnikov pianludas
Pri Andrej Korobejnikov, povas esti utile legi intervjuon, kiu aperis en "La Ondo de Esperanto" n° 11/2005 sub la titolo "Universitato Justo jubileas". Ĝuste en tiu Eŭropa Jurscienca Universitato Justo (EJU) studis Andrej. EJU havas principojn kaj programon, kiuj ne ekzistas aliloke, en kaj ekster Rusio, en la supera instruado, i.a. la oficialan instruadon de Esperanto. Laŭ la rektoro, Gennadij Ŝilo : "Esperanto ne nur ebligas komunikiĝi kun la tuta mondo, sed ankaŭ faciligas lernadon de fremdlingvoj." Justo krome havas saĝan principon : "Ĉiujn sciojn oni povas ĉerpi el libroj, sed honestecon, spiriton — nur de la instruisto. Ni eldonis kelkajn librojn tiutemajn. Manko de spiriteco estas kaŭzo de ĉiuj malbonoj en nuna Ruslando…". Pri la bilanco de la instruado, jen respondo al jena demando de Valentin Melnikov por La Ondo — "Ĉu estas elstaraj ekzemploj krom Andrej Korobejnikov, konata hodiaŭ en la tuta Esperantujo?" :
"Jes. En la grupeto el 4 homoj, kie lernis Korobejnikov, 3 studentoj ricevis diplomojn estante neplenaĝaj. Du el ili, Slava Miĥajlov kaj Inna Dadajan, ricevis po 2 diplomojn — de juristo kaj ekonomiisto. Nun ili jam ricevis trian superan kleron en la Diplomatia Akademio ĉe fremdlanda ministerio de Ruslando. La 19-jara Miĥajlov jam estas kandidato de ekonomiaj sciencoj. Korobejnikov finas Moskvan Konservatorion kaj estas aspiranto de la Moskva Ŝtata Universitato. Cetere, li iĝis docento de Justo en sia 18-jara aĝo kaj dum du jaroj brile instruas romian juron kaj la teorion de ŝtato kaj juro — du ĉefajn bazojn de la jura scienco."
Valentin Melnikov : "Eble tio estas esceptoj?"
Gennadij Ŝilo : "Escepto estus, se tiaj 3 personoj aperus en 400-persona grupo, ne en la 4-persona. Jam 8,3% de niaj eksstudentoj havas sciencajn gradojn. "
Andrej scipovas, krom la rusan, la anglan, la italan kaj Esperanton.
- Malnova intervjuo de Andrej Korbejnikov fare de la svisa poliglota operkantisto Jean Thierry de Bürren en Esperanto okaze de la UK de Gotenburgo (2003), kiam la pîanisto estis 17-jaraĝa. Tre simpatia dialogo ! Eltiraĵo (09:50) : "Mi tre ŝatas Esperanton. Ekzemple, kiam mi parolas kun anglalingvano, mi estas ĉiam sub li ĉar li plej bone parolas la anglan. Kiam mi parolas en la angla kun japano, mi sentas ke estas absolute nek mi nek li, kaj tio estas absurda, kaj [Esperanto] estas por mi socie egaliga".
La vivo...
Sign-in to write a comment.