Bernardo's photos with the keyword: vortaroj

Specimena paĝo el BKB 2015, libere elŝutebla de esperanto-akademio.wikispaces.com/BKB .

La plej kompleta bibliografio de (espereble) ĉiuj vortaroj de Esperanto, libere elŝutebla de esperanto-akademio.wikispaces.com/BKB . La Berlina Komentita Bibliografio de Vortaroj kaj Terminaroj en Esperanto 1887-2014 (BKB) laŭeble registras ĉiujn menciindajn leksikografiajn verkojn esperantajn de la komenco ĝis fine de 2014. Krom per la bazaj bibliografiaj indikoj, BKB klarigas multajn verkojn per specimenoj, notas recenzojn kaj indikas referencojn al plia legado pri esperantaj vortaristoj. Aparta fokuso estas sur la multaj disaj vortaroj, verkitaj en diversaj elektronikaj formoj dum la lastaj ĉirkaŭ dek kvin jaroj de post 2000. BKB celas esperantologojn, bibliotekojn, kolektantojn, sed aparte leksikografojn kaj terminologojn, serĉantajn fidindan respondon al la demando „kio jam ekzistas?“. Instruistoj kaj lernantoj kun ĝenerala intereso pri la vortara aspekto de la esperanta kulturo trafoliumos BKB, eble mirante „tiom jam ekzistas!“.

Bulthuis, H.J.; Dominicus, F.C. Esperanto-Woordenschat. Een verzameling van woorden en uitdrukkingen uit de dagelijksche omgangstaal. Voor cursussen en voor zelfonderricht. Rotterdam: Nijgh & Van Ditmar 1931. 114 p. — 22,5x15 cm (ĉ. A5). Sisteme ordigita vortaro de vortoj kaj esprimoj en 41 ĉapitroj, ekz.: La homa korpo, Sano kaj malsano, La familio, La domo, Mebloj k.t.p. Ĉap. 42 temas pri internacie kompreneblaj pro­verboj. Spec. (komenco de ĉap. 14 "Fiets en auto" - "Biciklo kaj aŭtomobilo"): Een motorfiets. - Motorbiciklo. Een luchtband oppompen - Aerplenigi pneŭmatikon. Een defect aan den motor. - Difekto en la motoro. Het spatbord; de rem; het stuur. - La kotŝirmilo; la haltigilo, la bremso; la direktilo. Nederlanda → Esperanto Cit. laŭ BKB 2015: esperanto-akademio.wikispaces.com/BKB .