Bela rozo (renesanca amkanto)

Ĉar estas majo-monato de amo, ni ŝatus vin plezurigi per tiu ĉi kanto en traduko kaj interpreto de Ipernitiano Vladimír Türk - eble iuj el vi ankoraŭ ne aŭdis ĝin kaj tio domaĝus!
Transprenite kun lia konsento.

Bela roz´ ĝardene floris
ĉe l´ kabano de najbar´
amatino ĝin priploris,
avidante trans la bar´

Nokte kuris mi el domo,
ŝtelon helpis pala Lun´
se min kaptos tiu homo,
certe venos lia pun´

Kun la rozo mi rapidis,
tuj degelis ŝia kor´
la dankemon ŝi ne bridis,
nokto plenis de amor´

Roso falis frumatene
kaj denove sonas plor´
velkis rozo surkusene,
malaperis la odor´

Porinterese - jen la ĉeĥlingva versio "Krásná růže v sadu kvetla" en prezento de la ĉeĥa ensemblo
"Spirituál kvintet":

http://www.youtube.com/watch?v=4CkaVhVBejg