Ido - Esperanto reformita

Jen la frontispico de la vortaro Esperanto-Ido de ĉ. 1935, vd. la titolpaĝon apude. Mi dankas al sinjoro Hilary Chapman pro la afabla alsendo de la skanaĵoj.

Specimena dupaĝo (komenco de lit. P). Titolpaĝon vd. apude. Dankon al sinjoro Bill Chapman.

Théophile Cart (1855-1931) estis membro de la Lingva Komitato (LK) kaj de la Akademio de Esperanto (AdE) de la fondo de tiuj "lingvaj institucioj" en 1905 kaj 1908. Li estis direktoro de la Komisiono pri la Komuna Vortaro de 1908 kaj prezidanto de la Akademio de 1920 ĝis sia morto en 1931. Cart do grave influis la lingvopolitikon de la Akademio en ties frua epoko kaj precipe dum la Ido-krizo. Liaj ĉefaj artikoloj prilingvaj kaj pri la rolo de la Akademio aperis felietone antaŭ 1914 kaj estis reeldonitaj broŝur-forme en 1927, fine represitaj en 1990 (jen la titolpaĝo de la eldono de 1990). Kelkaj el liaj pozicioj estas akceptitaj ĝis niaepoke. Pri aliaj nuntempe ĝenerale regas alia kompreno. Tamen ĉiukaze ankoraŭ indas ekkoni la pensojn de Cart .