Cezar
Post baloto
(por Foumier)
La hamstrorado eble ricevos novan lakon
kaj la hamstro manĝeron pli aŭ malpli.
Sed la finrezulto ne ŝanĝiĝos.
Ni estos plu ratoj aŭ hamstroj en rado
kaj la aliaj, niaj ĉefoj kaj ĉiuj aliaj nelaboristoj,
kiuj fakte estas niaj posedantoj,
amuziĝos plu pri nia dentrada kurado en la rado,
dum ili ferias en iu forpermesparadizo.
Do:
LA HAMSTRORADO
HAVOS POST BALOTO
PLU POSEDANTON;
JEN LA PROBLEMO!
Nia tasko estas detrui la hamstroradon
kaj samtempe forpeli la posedanton.
Tiam la laboro de Sisifo fine estos plenumita.
VIVU la kurlibera homo!
MORTU la hamstrorado!
Ni kaputigu tion, kio kaputigas nin!
La tutan teron kaj kurliberon por ĉiuj!
Sign-in to write a comment.