http://cezaroriginaloj.blogspot.de/2013/05/cezar-esperanto-optimisme-rigardata.html




Cezar
Esperanto optimisme rigardata

Bonaj ideoj fine preskaŭ ĉiam realiĝis.
Ankaŭ Esperanto estis tia bona ideo,
kaj tial ĝi fine ankaŭ realiĝis,
ĝi eĉ jam venkis: kiel internacia lingvo.

Kaj kial ne ĉiu lernas ĝin kiel duan lingvon?
Ĉar por tio necesas alia, paca kaj unuigita homaro.
Kaj kiam tiu unuiĝo lastfine okazos?
Mi ne scias, sed ne dubas, ke ĝi okazos.
La homaro ankoraŭ neniam haltis en la evoluo,
neniam rezignis pri tio elprovi novajn vojojn.

Esperanto tial iam estos tutmonde
la plej grava interkomunika lingvo,
ĉar Esperanto estas bona ideo,
bonege realigita, kaj eĉ tutmonde
sub plej duraj kondiĉoj elprovita
dum multaj jardekoj. Krome tia
internacia lingvo nepre necesas.

Esperanto historie rigardate,
estas kiel la fervojo, iam oni malŝatis la fervojon
kaj kondamnis la unuajn lokomotivojn kiel monstrojn,
sed nun oni ŝategas ilin delonge kaj havas nostalgiajn sentojn,
se oni nur vidas la unuajn lokomotivojn en ekspozicio.

Simile tio okazos pri Esperanto.
Oni ŝatos ĝin tutmonde kaj ridos pri tiuj,
kiuj kondamnis ĝin. Kaj se oni vidos
la Fundamenton kiel presitan kaj binditan libron,
oni ĉie en la mondo havos nostalgiajn sentojn,
kaj miros, ke tio ne ĉiam tiel estis.

Kaj Zamenhof fine estos rekonata
kiel la plej genia efektiganto de la ideo de internacia lingvo,
kiel la iniciatinto de la internacia lingvo Esperanto,
kiu faris kiel tia decidan paŝon
por la paca progreso de la homaro.