 |
| ..........................................Tie vivas ni! |
Hans-Georg Kaiser
Tie vivas ni! Ie inter la Perseo-brako
kaj la Sagitario-brako
moviĝas nia planedo Tero
kun ties tre mortemaj pasaĝeroj
tra la kosmo; ne en la centro,
sed en neniel atentokapta loko.
Se perdiĝus nia eta planedo,
tiu nura nevidebla punkteto
en la senfine granda kosmo,
tio ŝanĝus en la universo
kvazaŭ nenion.
kvazaŭ nenion.
Tial ĉiuj ĉiopotencfantazioj
de homoj simple estas ridindaj.
Rilate al la eterna kosmo
nia Tero eĉ ne estas sablograjneto.
Rilate al la kosmo ni tute malgravas.
Se ni efektive komprenus kaj akceptus tion,
ni vivus pli prudente.
Stultaj homoj detruas ĉion,
volas regi ĉion.
Prudentaj vivjesigaj homoj
strebas harmonion,
vivon en konkordo
kun ĉiuj aliaj homoj,
kun bestoj kaj plantoj,
kun nia patrino Tero
kaj kun nia patro Kosmo.
Ili ŝatas kaj amas ĉiujn aĵojn,
kiuj ankoraŭ iras kvazaŭ per si mem,
ne per subigo kaj ne per perforto.
Tiel kiel la kosmo.
Stultaj homoj detruas ĉion,
volas regi ĉion.
Prudentaj vivjesigaj homoj
strebas harmonion,
vivon en konkordo
kun ĉiuj aliaj homoj,
kun bestoj kaj plantoj,
kun nia patrino Tero
kaj kun nia patro Kosmo.
Ili ŝatas kaj amas ĉiujn aĵojn,
kiuj ankoraŭ iras kvazaŭ per si mem,
ne per subigo kaj ne per perforto.
Tiel kiel la kosmo.
Sign-in to write a comment.