Hans-Georg Kaiser
Eĥoton'

Via voĉo, hom',
ĉiu eta son',
iĝas eĥoton'.

Ĉu vi ie iras,
ĉu sur monto spiras,
eĥoton' tuj diras,
kion vi primiras.

Via voĉo, hom',
ĉiu eta son',
iĝas eĥoton'.

Akvo vin aŭskultas,
se vi amon kultas,
eĉ se vi tre stultas
aŭ pro tent' adultas.

Via voĉo, hom',
ĉiu eta son',
iĝas eĥoton'.

Se vi post silento,
iam dum momento
diras "fek" pro sento
ĝojas sin kliento.

Via voĉo, hom',
ĉiu eta son',
iĝas eĥoton'.