INTERVJUO
Ili havas armilojn, sed ni florojn...
RAPORTISTO: Ĉu vi komprenas kio okazis, kial tiuj homoj faris tion?
KNABO: Ili vere estas tre tre malicaj homoj. Ni devas esti memgardemaj, ĉar ni devos transloĝiĝi el nia domo.
PATRO: Ne timu, ni ne devos transloĝiĝi. Francio estas nia hejmo.
KNABO: Sed ili havas armilojn. Ili povas pafi nin, ĉar ili estas malicaj.
PATRO: Eble ili havas armilojn. Sed ni havas florojn. Rigardu la homojn, ili demetas florojn, per ili ili batalas kontraŭ armiloj.
KNABO: Ili gardas nin per floroj, ĉu?
PATRO: Precize tiel.
RAPORTISTO: Ĉu vi nun fartas pli bone?
KNABO: Jes, mi fartas pli bone.
Esperantigis Hans-Georg Kaiser
https://cezartradukoj.blogspot.com/
Sign-in to write a comment.