La provizado per elektra kurento en Fukushima je dimanĉo verŝajne ree funkcios
En la forte damaĝita japana atomcentralo Fukushima 1 je dimanĉo la provizado per elektra kurento ree funkcios. Sed ĉu sukcesos refunkciigi la fridetigajn sistemojn de la parte detruitaj reaktoroj, estis ankoraŭ ne tute klara. Dume la situacio por kvarcent mil homoj, kiuj ekde la tertremo kaj la cunamo devas vivi en provizoraj loĝejoj pro bezono, estas plu malfacila.
Laŭ informoj de la japana instanco por sekureco pri atomenergio sukcesis sabate vespere (laŭ loka tempo) meti elektran konekton al reaktoro 2 de la atomcentralo. Ĝis dimanĉe matene estos pro tio ebla konekti la fridetigan sistemon de la reaktoro kun la elektra reto. Poste ankaŭ reaktoro 1 laŭinforme estos ree provizata per elektra energio. Ĉe la forta tertemo kaj la posta cumano estis detruitaj elektrofostoj kaj la dizelgeneratoroj. Ĉu la pumpiloj kaj kondukiloj de la fridetiga sistemo ankoraŭ funkcias, estas plia dubiga afero.
Ankaŭ dimanĉe inĝenieroj, soldatoj kaj fajrobrigadistoj daŭrigas siajn penojn provizore fridetigi la tro hejtigitajn reaktorblokojn 1 ĝis 4.
Laŭ informoj de la ministro pri defendo, Toshimi Kitazawa, la reaktoroj estu ekde nun priŝprucigataj seninterrompe kaj ne nur de tempo al tempo. Ĉe la reaktoro 3 dum nova fridiga provado estis uzataj specialaj veturiloj de la fajrobrigadistoj de Tokio. Pli komplikigata la fridetigado estas per tro alta radioaktiva radiado.
Precipaj zorgoj plu estigas la akvobasenoj por la jam eluzitaj nukleaj brulelementoj en la reaktoroj 3 kaj 4, en kiuj la akvonivelo tiom falis, ke la tuboj, plenigitaj kun nuklea materialo elstaris el akvo. La reaktoroj 1 ĝis 4 estas tre damaĝitaj pro pluraj eksplodoj kaj bruloj.
En la reaktoroj 5 kaj 6, kiuj same tiel, kiel la reaktoro 4 estis haltigitaj dum la tempo de la tertremo, funkcias la fridetiga sistemo danke al la dizelgeneratoroj. Tamen ankaŭ tie la premo kaj la temperaturo iom altiĝis. Tial teknikistoj boris sabate po tri truoj en la reaktorkonstruaĵojn por malhelpi, ke kolektiĝas facile flamigebla hidrogeno.
Por la 400.000 homoj en la provizoraj loĝejoj pro bezono la situacio iom pliboniĝis pro iom altiĝantaj temperaturoj post ondo de malvarmo. En la precipe koncernataj prefekturoj Myagi kaj Iwate oni mezuris dum hela tago dek gradojn laŭ Celsio, sed nokte estis plu fride. Krome por dimanĉo oni veterprognozis pluvon kaj neĝon. Precipe por gemaljunuloj la vivo en la tre simple ekipitaj kaj malbone hejtitaj provizorejoj estas malfacila. Parte ne estas akvo el akvoduktoj kaj ne kurentokonekto.
tradukis Donjo & Cezar el sueddeutsche.de
Aktualaj raportoj de la japano Hori Yasuo
en la blogo de Dorota
Sign-in to write a comment.