Cezar
Birdo struto - homoj
Kelkaj vivas meze de bataloj
kaj asertas eĉ ne rimarki tion,
ĉar ili preferas mem ne batali,
sed nur servi al siaj mastroj,
kio estas ja la plej oportuna maniero
de persona batalo,
se oni mem sufiĉe bone profitas
de la potenco de siaj mastroj.
Sed se la mastroj perdas militon,
oni sidas en la kaĉo,
aŭ pli bone en la morna kelo
de sia propra iluzio.
Sed ion pli bonan
oni ne meritas en tia kazo.
Tiom longe, kiom la "divide et impera" funkcias,
ĉar la subigitoj ne agas solidarece,
la subigitoj ne havas bonŝancon,
pro propra kulpo kaj malbonaj cirkonstancoj.
PS: La teksto ekestis kiel reago al la interesa poemo de Blazio Vaha: "Kuireja kanteto provizora, en la jaro 2011"
PSS: Cetere, ke strutoj metas sian kapon en la sablon, se proksimiĝas danĝero, estas simple mensogo, kiel diras la esploristoj pri la kondutmanieroj de bestoj.
PSSS: divide et impera = disigu kaj regu
Sign-in to write a comment.