Hans-Georg Kaiser
Enigmo

Ĝi gvidas vin al foraj landoj
kaj hejme restas sur la lok'.
Ĝi marŝas eĉ tra fortaj vandoj,
al ĉiuj homoj de epok'.

Ĝi flugas tra la temp' sen limoj,
sur strangajn padojn de montar'.
Vojaĝas vi kun ĝi sen timoj,
eĉ sur insulo en la mar'.

Ĝi portas vin sur sorĉĉevalo
al diotemplo en ĉiel'.
Ĝi estas via rel' en valo
kaj riverege ora fel'.

Ĝi estas io, kio ravas,
ĝi malaperas dum desper'.
Ĝi estas ilo, kiu gravas,
en kia ajn pensebla sfer'.

Ĉu scias vi, pri kio temas?
Ĉu vin jam tentis iam ĝi?
Ĝi diademas kaj blasfemas;
ĝi estas - nia fantazi'.


http://cezaroriginaloj.blogspot.de/