AFORISMOJ
DE HANS-GEORG KAISER
DE HANS-GEORG KAISER
Adiaŭo
Ĝis pereo!
Ĝis reveo!
Ĝis nereveno!
Amen
Amen aŭ tamen
Amiko
Li havas du specojn de amikoj en la mondo: doktoron X kaj profesoron Y.
Kara amiko, mi havas problemon, mi bezonas vian monon.
Amo
Amo estas ginkofolio.
Edzo: Ni amas la tutan homaron, sed niaj edzinoj ne permesas tion al ni.
Enloĝanto de fridujo ne povas imagi, ke ekzistas io tia, kia la amo.
Romantika amo estas, se blua delfeno en sunsubiro enamiĝas en buntan papilion.
Prefere esti amata stultulo ol neamata saĝulo.
Arto
Bruarto, do ne laŭ Mozarto.
Analfabeto
Estas du specoj de analfabetoj: analfabetoj kaj eldonistoj.
Astrologio
Moderna astrologio: Diru al mi, kiu estas via mastro, kaj mi diras al vi, kiu estas via astro.
Atomenergio
Atomenergio estas rusa ruleto.
Aŭeco
Aŭ lako kaj frako aŭ sako kaj pako.
Banko
Sur benko oni sidas, en banko oni insidas.
Blovofloro
Aĉetu al mi blovofloron!
Boneco
Boneco ne ekestas per malboneco. Tio estas nur agrabla iluzio por tiuj, kiuj regas aliajn aŭ per sia mono aŭ eĉ per perforto. Bona estas de tempo al tempo pli bona ol esti nur perfekta.
Bonfarto
Bonfarto estas vivarto.
Buĉo
Ĉu puĉisto aŭ nur buĉisto?
Cezaro
Ne ĉiu Cezar estas cezaro.
Pri la fino de Cezaro: Jam post tri jaroj ĉiuj murdistoj de Cezar mortis.
Ne donu al Cezar, kio estas por cezaroj.
Venis, vidis, venkis - kaj ĝuste tial mortis.
Ĉielo
La kristana ĉielo estas trompa promeso.
Deprimo
Deprimo estas la provo obeeme adaptiĝi sente al aĉa mondo, sed post elprovo preskaŭ ĉiuj diras, ke ili fartas pli bone sen deprimo.
Diablo
Sinjoro Sulfuro.
Donaco
Sin fordonaci, ĉu la nova truko de oportunistoj, kiuj ne havas monon?
Se riĉul' donacas ion, li por trompi faras tion.
Eldonisto
Verkistoj verkas, legantoj legas, kaj la eldonistoj ĝenas ilin dum tio.
Emancipiĝo
Certaj inoj bezonas viron nur ĉiun trian semajnon dum tri minutoj.
Esperanto
Esperantisto estas homo, kiu esperas ion. Esperintisto, estas iu, kiu jam perdis la esperon.
Esperontisto, estas tiom despera homo, ke li devas esperi tamen ankoraŭ povi esperi iam.
Ne plej gravas kiel la afero Esperanto statas, plej gravas, kiel ni povas antaŭenpuŝi ĝin.
Esperanton parolas pli da esperantistoj ol islandanoj la islandan. Kaj tamen la islanda estas plene akceptita, sed ne Esperanto.
Esperanto estas ĉirkaŭbrako de l' mondo.
Esperanto estas la "E = m foje c en kvadrato" de la lingvoj.
Esperanto, Esperanto, kiom dolĉas via vanto.
Fantazio
Ĉio estus pura fantazio, eĉ mi mem, se mi ne estus reala.
Faro
Fari kaj fari ne estas la samo. Kion faras elstarulo, tio ĉiam estas bona, sed kion faras memstarulo estas ĉiam dubema, egale kiom ajn bona ĝi eble estas.
Fido
Fidu al vi, ne al mi.
Homo, kiu ne fidas pri si mem, fidas aŭ pri siaj titoloj aŭ pri organizoj.
Fiŝo
Popolaj fiŝfestoj povas esti gajaj - se oni ne estas fiŝo.
Flatulo
Gardu vin kontraŭ flatuloj, ili volas posedi vin.
Fosilo
Fosi per fosilo en fosaĵo pro fosilio.
Floro
Blua floro de sopiro, palaj estas viaj viroj.
Fundamento
La bazo de la fundamento estas la pacvolo.
Krokodiloj eĉ ne tuŝas la fundamenton.
Virgulinoj kaj la Esperantofundamento estas netuŝeblaj.
Futuro
La futuro estas babilona turo.
Frido
Enloĝantoj de fridujoj ofte miras, ke ekstere laŭdire estas varme.
Gramatikisto
Gramatiklemulo
Gramatikisto estas malgranda Napoleono, obsedita de reguloneŭrozo.
Havado
Ĉu havi edzinon? Do, sklavinon, ĉu? Edzinon oni ne havu, sed amu.
Ankoraŭ nun plej ravas tiu, kiu plej havas.
Tiuj, kiuj havas jam tro multe, volas havi la restaĵon aldone.
Havi ion, pruvas ĉion aŭ nenion.
Havi riĉon, kreas superstiĉon.
IDO
Dum esperantistoj fosas sian sulkon, idistoj subfosas ĝin.
Esperantisto konfidas, sed idisto insidas.
Sen Esperanto ne ekzistus ida vanto.
Ino
Kelkaj inoj estas papilioj, kiuj revenas kaj foriras, kiam plaĉas al ili.
Ulino laŭfundamente estas ina persono, por kio do virino?
Infero
La infero – la socia ordo sur nia tero.
Irado
Kiu ne ekiras, ne alvenos.
Kabe
Krokodiloj ne povas kabei.
Kabe: Li venis, vidis, venkis kaj forkuris.
Ho Kabe! Kaaaaaaabe!
Kabe ne revenis, sed mi.
Karnavalo
Intervalo kaj karna valo.
Kastelo
Ankaŭ aerkastelo estas bela.
Klaĉo
Klaĉo estas seninterrompa ĉeno de onidiroj.
La plej grandaj klaĉulinoj estas viroj.
Klaĉi, pli klaĉi – viro.
Klasdiferenco
Diris la lakulo al la lakeo, ke...
Kliko
En klikoj kaj klanoj kolektiĝas ŝajnaj civitanoj.
Komitato
Mi invitas vin, korupta korfrato, al la nova komitato.
Kongresparolado
Kongresparolado: la arto diri nenion.
Konsento
Mi konsentas, ke mi ne konsentas.
Kriado
Ne tiu, kiu krias, plej fias.
Kristnasko
Kristnasko ja ne tiom fius, se Jezuĉjo ne tiom krius.
Lernado
Lernado sen agado estus nur masturbado.
Libero
Nur tiu estas libera, kiu ĉiutage defendas sian liberon per ungoj kaj dentoj, libero ne aĉeteblas en butiko en fosokesto.
Libero estas fierulino, kiu iras sian vojon, ne iun ajn vojon.
Libero sen certa sfero, ne estas pli ol ĥimero.
Por kio kaj kontraŭ kio? – jen la kondiĉo de ĉiu libero.
Lingvo
Lingvo estas unuavice socia fenomeno kaj nur poste ankaŭ penssporto por malsociemaj gramatikistoj.
Mi
Mi sen ni estas pura iluzi'.
Mi estas atomreaktoro, se mi konsciiĝas pri tio.
Mono
Diru, kiom da mono vi havas, kaj mi diras al vi, kiu vi estas.
Mondo
La mondo nun as bordelo.
Monumento
Sur monumentojn fekas la birdoj.
Moralo
Plej multe da moralo ekzistas tie, kie neniu parolas pri ĝi.
Moralo estas la butero sur la pano de tiuj, kiuj havu nenion.
Morgaŭ
Morgaŭ ĉeokaze estas postmorgaŭ.
Morto
Aŭ mi vivas aŭ mi estas morta. Pri la morto mi povos cerbumi en la tombo, tiam mi havos sufiĉe da tempo por tiaj aferoj.
Post la morto ĉiuj estas samaj, ĉu? Tute ne! La plej vivintaj vivos plu.
Morta vi eble povas pasi limojn, sed ne vivanta sen pasporto.
Nubo
Kiu serĉas en rubo, tiu ne havas tempon por nubo.
Enĉiele flugu nubo, tio pravas eĉ dum dubo.
Okej
Okej ne estas en ordo, sed kio estas en ordo en tiu ĉi damnita freneziĝinta mondo?
Ordono
Ne intu, ne ontu, antu!
Paco
Pacon krei sen perei.
La cemento de la Fundamento estas la pacvolo.
Papilioj
Papilioj revenas kaj foriras, kiam plaĉas al ili.
Parolo
Ju pli glate iu parolas, des pli fie tiu rolas.
Pasporto
Sen mano eblas vivi, sed ne sen pasporto.
Mi ne estas mia pasporto.
Pensado
En certa senco ni estas tio, kion ni pensas, la alio poste troviĝos.
Pesto
Ĉiu pesto havas komencon kaj finon.
Perfido
La kondiĉo por perfido estas la ekzisto de certa lingvo, tial oni perfidas kutime per vortoj aŭ gestoj.
Perlo
Ne ĉiu Perla estas perlo.
Poemo
Poemoj estas plumoj kaj transportŝipoj.
Poeto
Romantika poeto estas blua anĝelo, kiu kisas per blua inko anĝelojn, kiuj nur en lia blua kapo ekzistas.
Posedo
Neposedeblaj kaj tial precipe belaj: sapvezikoj kaj nuboŝafoj.
Prezidanto
Prezidanto estas persono, kiu volonte sidas dum serena vetero en belvedero antaŭ bela kastelo por rigardi de tie la mondon el sekura birdoperspektivo.
Prizono
Prizonoj estas homakvarioj.
Prostituitino
Hirundoj trotuaraj.
Trotuartretadulinoj.
Putinulino.
Prudentulo
Prudentulo devas ŝajnigi sin stulta, stultulo ne devas fari tion.
Rabisto
Rabisto ŝtelas kutime tion, kion jam aliaj ŝtelis.
Radio
"Radio Verda", verda radio: aŭskultu do, jen nova vizio!
Relativeco
Post sukcesa kariero vermoj manĝos vin en tero.
Kun sako kaj pako, aŭ en lako kaj frako.
Revo
Via fonto estas REVO, sed ĉu via revo ankaŭ fariĝos vera
?
Legu en PIV kaj kontrolu en REVO.
Ridado
Ridado estas subfosiga kaj liberiga, ĉar ĝi forigas la timon.
Saĝo
La celo ne povas esti saĝo, sed la uzo de saĝo.
Sankta Nikolao
Sankta estu Nikolao, sed ĉu pli sankta ol kolao!?
Sankta Nikolao estas sentimentala alkoholulo en ruĝa mantelo, kiu timigas la infanojn, kvankam li alportas koruptigajn donacojn.
Sankta Nikolao estas sezonlaboristo, sed li laboras nur dum unu tago en la jaro.
Sapveziko
Sapvezikoj - buntaj mondorespublikoj.
Scio
Kion li ne scias, fias. Fias tio, kio dias.
Nur tiu, ku konscias, ke li scias nenion, scias almenaŭ iom.
Sulko
Ni fosu nian sulkon, sed ne tro profunde.
Supo
Esti parto de bona supo estas malbona afero. Neniu devas salti en la supon por ekscii, ĉu ĝi estas bona aŭ ne.
Stulto
La plej grandaj stultuloj scias plej multe.
Sekretario
Ĝenerala Sekretario estas sekretario kiu en sia sekretariejo, kvazaŭ generalo, seka kiel kreto plektas sekretan reton.
Skizofrenio
Li estas skizofrenezulo – li pensas esti kaj azeno kaj mulo.
Sklavo
Ne estu tiom agresiva kaj envia, sklavo! Akceptu, ke mi estas via mastro.
Soldato
Morta soldato ne murdas iun, li estas mem la viktimo.
Sopiro
La blua floro de l' sopiro.
Sporto
Tro da sporto, tuj morto.
Sporto logas - drogo apogas.
Stulteco
Neniu tiom stultas, ke ne iu troviĝus, kiu ne ankoraŭ iom pli stultas ol li.
Ĉio finiĝas, nur ne la senfina stulteco.
Sulko
Ido-kaptilo.
Ŝtipo
Stipo ne estas pipo, sed el ŝtipo povas fariĝi pipo.
Ŝtipkapulo tamen havas kapon, sed ŝtipe rigidan.
Temo
Se vi estas jam sen temo savos vin la parolemo.
Trezoro
Ŝia trezoro: briliantoj kaj oro! Lia enkoro: la bankotrezoro.
Troigo
Se multaj maltroigas, kelkaj aliaj devas troigi, por ke la universo retrovu sian ekvilibron.
Trompo
Ju pli pompa des pli trompa.
TV-elsendoj
Penslibera zono kun grandaj kvotoj.
Verkado
Elpensi ĉion, eĉ sin mem.
Verkisto
Verkisto, ne torturu la frazojn, sed viajn legantojn.
Verkisto, ne estu vortteroristo!
Viro
Ŝi: Viro, kiel ridinda, tio sonas.
Troigita virmalamo estas vir-ina.
Vivarto
Vivarto estu la celo.
Vivo
'Ni vivis', tio ne sonas tiel bone kiel 'ni vivas'. Kaj ĉu ni morgaŭ ankoraŭ vivos, tion ni ne scias. Tial ni vivu nun, ne en la pasinteco, kaj ne por morgaŭ.
Vojo
Ne regi kaj ne ŝafbleki - jen la vojo al pli bona vivo.
Misvojoj troviĝas en labirintoj sen elirejo.
https://cezaroriginaloj.blogspot.com/
Sign-in to write a comment.