L.L. Zamenhof
Elekto el litero A
Akiro kaj perdo rajdas duope.
Al ĉiu besto plaĉas ĝia nesto.
Al du sinjoroj oni samtempe servi ne povas.
Al grandaj sinjoroj grandaj honoroj.
Aliaj domoj, aliaj homoj.
Al la papero ne mankas tolero.
Altan arbon batas la fulmo.
Amiko de amiko estas ankaŭ amiko.
Amiko estas kara, sed vero pli kara.
Amo faras ion, mono ĉion.
Ankoraŭ la ezoko ne estas sur la hoko.
Apud plena manĝotablo ĉiu estas afabla.
Au ĉio, aŭ nenio.
Aŭ festo aŭ fasto.
Azenon komunan oni batas plej multe.
elektis Hans-Georg Kaiser
Estas vere strange, ke la komuna bonfarto estas tio, kio politikistojn interesas plej malmulte. Jam pro certa prudenteco ili devus zorgi unuavice ĝuste pri tiu, sed ne! La komuna azeno estas plu plej batata:). Aliaj tempoj, aliaj moroj:). Nu, mi iom pridubas tion, multaj moroj estas jam pli antaŭantikvaj ol la barbo de Metuŝelaĥo.
Ĝi ne novas por legado,
sed ĉu manĝas ni de l' plado?
Ĉar la proverbar' mirindas,
la legado plu tre indas.
Ĉar poetoj eĉ ĝin ĝuas,
sciencistoj pri ĝi bruas,
ĝi ne estas verk' pro vanto.
Mejloŝton' de Esperanto.
Sign-in to write a comment.