Hans-Georg Kaiser
La fendo de l' mondo
La fendo de l' mondo pli kaj pli klare montriĝas, ĝi estas la efektiva kaŭzo de ĉiuj fuĝoj kaj elmigroj. Ke riĉo estas ne nur riĉo, sed ankaŭ brutala vivmaniero, tio montriĝas krome ĉiutage ĉe tiu temo. Min la adorado de riĉo ĉagrenas jam de multaj jaroj, envere ĝi estas nur primitiva fi-perspektiva viv-kaj ekspluatmaniero, kiu malhelpas la homaran evoluon, kiu detruas la planedon Tero. Kiom da mono kaj kiom da energio oni disipas, nur por vivteni la riĉon en la mondo?! En ĉiu kazo tro, la kalkulojn pagas kaj pagos la homaro...
Anstataŭ defendi la riĉulojn, ni fine devus defendi la malriĉulojn kontraŭ la riĉuloj, tio estus pli prudenta ol lim-pikdratoj kaj muroj inter la popoloj... Por mi ĉiu milito, ĉar ĉiu detruas ekonomiajn resursojn, estas krimo kontraŭ la homaro, subfosado de la homaj rajtoj.
Ĉu iu ankoraŭ memoras, ke laŭ la homaj rajtoj ĉiu rajtu libere moviĝi, ke ĉiu homo rajtu libere elekti sian loĝlokon? La homaj rajtoj estas truigitaj kiel la celtabuloj en pafbudoj sur foirplacoj: tio estas nia plej granda problemo, ke oni ne defendas la homajn rajtojn, sed ties neniigantojn. La fuĝantoj estas minacataj, ne la persekutantoj.
cezaroriginaloj.blogspot.de/
Sign-in to write a comment.