Cezar
Vodkokanto
(ironia poemeto)
Vodko estas ĉiam klara,
sed nur rusa senkompara.
Vodko estas tre malrara
en ĉi mondo tro amara.
Vodkon trinkas vera viro,
estas ino-eliksiro.
Nur post unu ekelspiro
ebriiĝas jam lampiro.
Vodkon ĉie homoj trinkas,
ne nur rus' laŭ vodko stinkas.
La fridujo nin konvinkas,
ke la vodkon ĉiu drinkas.
Vodko nin ĉielen metas,
ĝis por falo ĉiu pretas.
Se la paraŝut' tro etas,
ni pri lasta vodko petas.
Sign-in to write a comment.