Hans-Georg Kaiser
Ĉu li peku foje?

Sovaĝa estas ŝi kaj ĉarma
kaj la rideto fajre varma.
En kiun keston li ŝin metu?
Ĉu li respondon de ŝi petu?

Ho ve, li estas ne plu juna,
kaj lia haŭt' ne sunobruna.
Li nur de fore ŝin admiru
ne tuŝu ŝin kaj ŝin ne tiru.

Edzino lia lin ja ŝatas
kaj hejme ĉio bone statas.
Li kial strabas do al ino,
kaj kuŝas sonĝe jam en sino?

Tre loga estas ŝi kaj ĉarma
kaj la ridet' enigme varma.
En kiun keston ŝi lin metus,
Se li frivolan de ŝi petus?

Ve, ve, li estas malkuraĝa,
kaj eble eĉ ne plu sovaĝa.
Ĉu agu li morale ĉiam,
kaj peku do dum viv' neniam?