Pliaj legindaj blogoj el Berlino verkitaj de Rolando estas la sekvaj du. Ili celas germanan publikon kaj pro tio estas en la germana:

1. Blogo de Zamenhof

L.L. Zamenhof rakontas siajn memorojn. En la lasta ero li klarigas, kiel oni en 1912 preparis Universalan Kongreson en Krakovo en lando tiuepoke ne ekzistanta: "Ni do revidos nin en Krakovo".

2. Esperanto en Berlino kaj Brandenburgio

"Surprizaj kaj kuriozaj faktoj pri internacia lingvo" aktuale raportas pri berlinaj stratoj kaj ejoj gravaj por la historio de Esperanto en la urbo aŭ menciitaj en la Esperanto-literaturo, ekzemple en la romano "Metropoliteno" de Varankin aŭ en "Kiel akvo de l' rivero" de Raymond Schwartz.

Antaŭa blogero rakontas pri la Esperanto-vivo en Berlino en aprilo '12. Ne ĉagreniĝu, se vi maltrafis la aktivecojn - temas pri la aranĝoj de aprilo 1912, ne tiuj de 2012, vi do ĉiukaze venus cent jarojn tro malfrue. Agrablan legadon al vi!