Larsen havas: vokse -
(tr) (komme voks på) vaksi
(itr) kreski
(øges også) pliiĝi, plimultiĝi, (fx: — i bredden) plilarĝiĝi, kreski laŭlarĝe
(se også: voksende)
kaj distingas la du signifojn per la indiko de (ne-) transitiveco de la dana vorto, krome kaj aldone per klarigoj en parentezoj, nome "surŝmiri vakson" = vaksi, kaj pliajn ĉe kreski.
La vortlisto dana-Esperanto-dana, elŝutita el la retejo "La Vortaro" (ĉ. 5000 vortoj) kontraŭe havas nuran, nudan "vokse - kreski", eĉ ne mencias la duan signifon de vokse - vaksi kaj tiel lasas nin surnavigi la klipon.
Verboj kun siaj multaj signifoj en kombino kun prepozicioj kiel en la dana, germana, angla kaj aliaj lingvoj estas la defioj kaj testo de vortaro. Larsen indikas vokse fast, fra, frem, med, op, sammen, sig, til, ud, ne malpli ol naŭ kombinoj antaŭ ol pasi al la derivaĵo voksen (plenkreskulo ktp., sed ankaŭ plenkreska ktp., vd. la bildon). Substantiva kaj adjektiva signifo prave estas disigita en du artikoloj, dum la listo el "La Vortaro" pelmelas "adolta, adolto, adoltulo [!? adolto jam estas ulo!], plenkreska, plenkreskulo".
La moderna vortaro dana-esperanta de sinjoro Larsen estas sur bona vojo.
P.S.: Legu la raporton de sinjoro Larsen (aprilo 2009) pri la laboroj super la vortaro tie ĉi.
Laŭ li temas precipe pri ilo por lerni (precipe Esperanton) per privataj listoj de lernindaj vortoj. Por multaj (eble ne ĉiuj) vortlistoj tio estas probable ĝusta. Neniu problemo, se oni bone konsciiĝas pri tio. Sciante tion oni tamen iom malfidu al kelkaj el la listoj. Mi supre jam citis la malĝustan "adoltulo" el la listo dana-esperanta. Facile oni trovas multajn pliajn malĝustaĵojn, ekzemple la privata esperantigo de la dana insulo Fyn (ĝuste estas Fueno, ne Feno). la gronlanda urbo Godthåb estas Godhabo, Gothabo aŭ Nuuko (surbaze de la inuita vorto), sed ĉiukaze kaj neniel Gotobo, kiel asertas la anonima listo. Nu, ktp. Foje tamen estas preferinda kontroli en (kvazaŭ-)normaj verkoj kiel PIV 2002/2005 aŭ - se oni tie ne trovas vorton - en Krause, Granda Vortaro Esperanto-Germana 1999.
Sign-in to write a comment.