4. Jens S. Larsen, k.a.: Dana-Esperanto Vortaro (aperonta)

La tuta laboro sub gvido de Jens S. Larsen okazas perrete. La fina rezulto ekzistos rete, por poŝtelefonoj kaj papere. La vortaro de Eckhard Bick jam estas konsultebla en la reto, bedaŭrinde en teknike iom primitiva versio, vidu http://beta.visl.sdu.dk/visl/eo/vortaro.htm kaj komparu kun la rusa! Jen specimeno el la „Dansk – Esperanto Ordbog“, litero L (malneto, ne jam publikigita):

lade [tr] (laste) ŝarĝi; (fx pistol, batteri) ŝargi; (– op) [tr] reŝargi, [itr] reŝargiĝi

ladegreb ŝargomovo

ladeport garbeja pordego

lader (op–) ŝargilo

ladning ŝarĝ(ad)o, ŝarĝaĵo; (skibs–) kargo; (elektrisk –) ŝarg(ad)o; (ammunition) ŝargaĵo

Eĉ se temas pri relative simpla vortaro, preskaŭ sen frazeologiaĵoj (proverboj, ekzemplo-frazoj) aŭ eĉ nur tem-kampoj (komparu kun la vortaro germana-Esperanto de Krause 2007), estas tre salutinde, ke post tiom da jaroj nova vortaro dana-Esperanto estas preparita. Espereble ĝi aperos en 2009 okaze de la 60-a naskiĝtago de la Grønborg-vortaro (vd. la apudan bildon).