La nomo de la strato estis unuanime decidita la 28an de junio 2007 dum kunveno de la municipa konsilantaro laŭ la plano de tiu nova vilaĝoparto. La terŝovela laboro komenciĝis la 5an de julio 2007 kaj la konstruado de la unuaj domoj el kvindeko antaŭvidita komenciĝis en 2008.

La inaŭguro estos escepta en tio :
  1. ke ĝi okazos preskaŭ cent jarojn post la unuafoja atribuo de la nomo de Zamenhof al placo kaj al strato, respektive en Terrassa (Placa del Doctor D-ro Zamenhof, 29an de junio 1912) kaj Sabadell (Ronda de Zamenhof, 14an de julio 1912).
  2. ke ĝi estas verŝajne la sola cirkla Esperanto-vojo en la mondo (?) — cirkla simile al la londona
    Esperanto-Strato, Hameau du Bois, Moutiers-les-Mauxfaits
    metroolinio "Circle Line"; ĝi estas 585-metrojn longa kaj unika en tiu vilaĝoparto.
  3. ke la inaŭguro okazos kadre de festeto, kun pikniko, de la loĝantaro de tiu vilaĝoparto, kiu arigis pasintjare, por la unua fojo, ĉirkaŭ 90 personojn.
Bonvenaj estos ne nur membroj de Espéranto-Vendée, sed ankaŭ ĉiu interesato pri malkovro kaj nuna situacio de Esperanto.

La municipo regalos per glaso de amikeco. La asocio Espéranto-Vendée, kiu kunorganizas la eventon, havas nun konton ĉe Facebook : http://www.facebook.com/EsperantoVendee

Bonvenaj estos kelkvortaj salutoj el plej diversaj landoj, ĉu per retmesaĝetoj, ĉu per Facebook, Twitter aŭ Ipernity (vd malsupre). Bonvenaj ankaŭ estos bonkvalitaj fotoj pri ZEOj el la tuta mondo, prefere kun konciza priskribo : indikoj pri loko, eventuale precizigoj pri inaŭguro, specialaj karakterizoj.
Pri ZEOJ, vd : En Vikipedio :